‌‌ဖြေ: တိုက်ခန်းဝယ်ယူတော့မည်ဆိုလျှင် ရောင်းချသူထံမှ အောက်ပါစာရွက်စာတမ်းများ တောင်းယူ စစ်ဆေးရမည် ဖြစ်ပါသည်-

(၁) BCC (လူနေခွင့်လက်မှတ်) (သို့) ဒဏ်ကြေးဖြင့် ဆောက်ထားသည့် တိုက်ခန်းဖြစ်ပါက ဒဏ်ကြေး ဆောင်ထားသည့် ချလန်မိတ္တူ၊
(၂) မြေရှင်နှင့်ကန်ထရိုက်ချုပ်ဆိုထားသည့်စာချုပ် (မိတ္တူ)၊
(၃) မြေရှင်၏အဆက်စပ်စာချုပ်များ၊
(၅) နောက်ဆုံးလအထိ မီတာဆောင်ထားသော ချလန်နှင့်မိတ္တူများ၊
(၆) ရောင်းချသူ၏မှတ်ပုံတင် ၊ သန်းခေါင်စာရင်း (မိတ္တူ) တို့ကို တောင်းယူစစ်ဆေးရမည်ဖြစ်ပါ သည်။

မေး : အရောင်းအဝယ်ပြုလုပ်သည့် ရွှေ့ပြောင်းနိုင်သော (သို့မဟုတ်) မရွှေ့ပြောင်းနိုင်သော ပစ္စည်းအား အမည်ပေါက်ပိုင်ဆိုင်သူ သေဆုံးသွားခဲ့လျှင် မည်သို့ဝယ်ယူရမည်နည်း။

ဖြေ : အမည်ပေါက်ပိုင်ဆိုင်သူ သေဆုံးသွားပြီးနောက် ၎င်း၏ ဇနီး/ခင်ပွန်း / သားသမီး တစ်ဦးဦးက ရောင်းချခဲ့ပါက ဝယ်ယူသူသည် ရောင်းချသူထံမှ သေစာရင်း (မိတ္တူ) ၊ သန်းခေါင်စာရင်း (မိတ္တူ) အစရှိသဖြင့် လိုအပ်ပါသည်။ ထို့နောက် သေဆုံးသူ (အမည်ပေါက်ပိုင်ဆိုင်သူ) နှင့် သက်ဆိုင်သော အမွေခံ/ဆိုင်များ အားလုံးကို အရောင်းအဝယ် စာချုပ်တွင် လက်မှတ်ရေးထိုးရန် သဘောတူပြီး မှသာ ဝယ်ယူသင့်ပါသည်။ တကယ်၍ အထက်ပါ အချက်များ မပြည့်စုံပါက မဝယ်သင့်ပါ။

ဖြေ : ပုံစံ ၁၀၅ ဆိုသည်မှာ မြေပိုင်ဆိုင်မှုအထောက်အထားမဟုတ်ပါ။ ပုံစံ ၁၀၅ ဆိုသည်မှာ- သက်ဆိုင်ရာ မြေစာရင်းဌာန ကထုတ်ပေးသည့် မြေပုံသာဖြစ်ပါသည်။ လယ်ယာမြေဖြစ်စေ၊ ရွာမြေဖြစ်စေ၊ ဥယျာဉ်ခြံမြေဖြစ်စေ၊ ဂရန်မြေဖြစ်စေ သက်ဆိုင်ရာမြေစာရင်း ဦးစီးဌာနအပိုင် နယ်နိမိတ်အတွင်းမှာ ရှိသည့် မြေအကျယ်အဝန်းနှင့် အမျိုးအစားကို ဖော်ပြပေးတဲ့ပုံစံ စာရွက် ဖြစ်ပါသည်။

ဖြေ : ဝယ်ယူနိုင်ပါသည်။ ၎င်းအပြင် ကွန်ဒိုတိုက်ခန်းကို နိုင်ငံခြားသားအား တည်ဆဲဥပဒေနှင့်အညီ ငှားရမ်းခွင့်၊ ပေါင်နှံခွင့်နှင့် ခွင့်ပြုချက်တို့ဖြင့် ထားပိုင်ခွင့်များရှိသည်။
စုပေါင်းပိုင် အဆောက်အအုံ၏ (၄၀) ရာခိုင်နှုန်းထက်မပိုသော ကွန်ဒိုတိုက်ခန်းများကို နိုင်ငံခြား သားများအား ဥပဒေနှင့်အညီ ရောင်းချနိုင်ခွင့်ရှိသည်။ နိုင်ငံခြားသားသည် ဝယ်ယူထားသော ကွန်ဒိုတိုက်ခန်းအပေါ်တွင် ၄င်းအမည်ဖြင့် ဥပဒေနှင့်အညီ တရားဝင် ပိုင်ဆိုင်ခွင့် ရှိပါသည်။
ကွန်ဒိုတိုက်ခန်းကို နိုင်ငံခြားသားအား ရောင်းချလျှင် စတင်ရောင်းချသည့် အချိန်တွင် မှတ်ပုံတင် အရာရှိထံ အကြောင်းကြားရမည်။
ကွန်ဒိုတိုက်ခန်းကို နိုင်ငံခြားသားအားရောင်းချလျှင် နိုင်ငံခြားမှ တရားဝင်ငွေလွှဲပို့သော နိုင်ငံခြား ငွေဖြင့်သာ ရောင်းချမည်ဖြစ်သည်။

ဖြေ : မြေဂရန်မူရင်းကိုင်ထားသူ နှင့် မြေဂရန်မိတ္တူကိုင်ထားသူကြား အရှုပ်အရှင်း ရှိနိုင်ပါ သည်။ မြေဂရန်မူရင်းကိုင်ထားသူသည် ပေ(၄၀×၆၀) တစ်ကွက်လုံးကို ကိုင်ဆောင်ထား ခြင်းဖြစ်၍ ပေ(၂၀×၆၀)နှင့် ပက်သက်သည့် မြေပိုင်ဆိုင်မှုကို ၎င်းမှ ရယူထားသလို ဖြစ်နေသည့်အတွက် ၎င်းဂရန်မူရင်းပျောက်ဆုံးသွားခြင်းဖြစ်စေ၊ ပေါင်နှံခြင်းဖြစ်စေ၊ လဲလှယ်ခြင်းများဖြစ်စေ ပြုမိပါက ဦးစွာနစ်နာမှုရှိသူမှာ ဂရန်မိတ္တူရရှိသူ ဝယ်ယူသူပင် ဖြစ်ပါမည်။ ဝယ်ယူသူသည် မြေခွဲဝယ်ယူထားသည့် ပေ (၂၀×၆၀) ကို သက်ဆိုင်ရာ မြေစာရင်းရုံးတွင် မိမိအမည်ပေါက်ဖြင့် တရားဝင်ထွက်ရှိအောင် ဆောင်ရွက်ရပါမယ်။ ဂရန်မိတ္တူရှိရုံဖြင့် မြေပိုင်ဆိုင်သူဟု သတ်မှတ်ယူ၍မရသည့်အတွက် အချိန်ကြာလာသည် နှင့်အမျှ မြေကိစ္စ ပိုမိုရှုပ်ထွေးလာမှာဖြစ်ပါသည်။ ပေ(၂၀×၆၀)ကို မြေခွဲမြေပုံ လျှောက်ထားပြီး သက်ဆိုင်ရာ မြေစာရင်းရုံးတွင် ဂရန်ကို မိမိအမည်ပေါက်ရရှိအောင် လျှောက်ထား ဆောင်ရွက်သင့်ပါသည်။

ဖြေ : ဘိုးဘွားပိုင်မြေကွက်များသည် မြေအမည်ပေါက်ထံမှ တိုက်ရိုက်ဝယ်ယူနိုင်မှု မရှိသလောက် နည်းပါးပါသည်။
၎င်းအမည်ပေါက်၏ အမွေစား၊ အမွေခံများက တစ်ဆင့်ပြန်လည်ရောင်းချသည်ထက် အဆင့်ဆင့် ဝယ်ယူထားသူများထံမှ ဝယ်ယူထားမိသူသည် ၎င်းအမည်ပေါက်အဖြစ် ပြောင်းလဲရန် ခက်ခဲမှုရှိပါ သည်။ ဘိုးဘွားပိုင်အမည်ပေါက်မှာလည်း သက်ရှိထင်ရှားမရှိတော့ပဲ ၎င်း၏ဆွေမျိုးသားချင်းများကို လည်း ရှာဖွေရခက်ခဲတတ်ပါသည်။
ထိုအခါမှာတရားရုံးတွင် ဦးတိုက်လျှောက်ထားတရားစွဲဆိုပြီး အမည်ပေါက်ပြောင်းရသည့် အမှုများ လည်းရှိသည်။
ထို့ကြောင့် ဘိုးဘွားပိုင်မြေဝယ်ယူလိုပါက အမည်ပေါက်မှအစပြု၍ ရောင်းချခဲ့သော ရောင်းသူ ဝယ်သူ အဆင့်ဆင့်တို့၏ အရောင်းအဝယ်စာချုပ်စာတမ်းအဆင့်ဆင့်တို့ကို ကွင်းဆက် မပြတ်စေပဲ ဝယ်ယူ၍ ရောင်းချသူထံမှ မြေနှင့်ပတ်သက်၍ အခွန်ဆောင်ထားသည့် စာရွက်စာတမ်းများအား ရယူပြီး ဝယ်ယူသူမှ မိမိအမည်ပေါက် ပြောင်းသင့်ကြောင်း အကြံပြုလိုက်ရပါသည်။

ဖြေ : တိုက်ခန်းပိုင်ရှင်၏ ခွင့်ပြုချက်နှင့် တိုက်ခန်းငှားထားသည့်သူကို ဘယ်နှနှစ်ပဲကြာကြာ ခွင့်ပြုချက်နှင့် ထားသော်လည်း တိုက်ခန်းငှားရမ်းသူက အိမ်ငှားဖြစ်ပြီး အိမ်ပိုင်ရှင် ဖြစ်လာစရာ အကြောင်း မရှိပါ ဘူး။
အဲဒီခွင့်ပြုချက်နဲ့ထားတဲ့သူကို အိမ်ငှားကိုဖယ်ချင်ပြီဆိုရင် ဆရာရေ ဖယ်ပေးပါလို့ ပြောလိုက်လို့ အေးဆေးဖယ်ပေးလို့ရှိရင် ပြဿနာမရှိပါဘူး။ အကယ်၍ မဖယ်ပေးဘူးဆိုရင် နို့တစ်စာပို့ရပါတယ်။ နို့တစ်စာပို့တယ်ဆိုတာကတော့ ခွင့်ပြုချက်နဲ့နေထိုင်ခွင့်ပြုထားသည်ကို ရပ်စဲလိုက်ပါပြီလို့ ဆိုလိုတာ ဖြစ်ပါသည်။အဲ့ဒီလို ခွင့်ပြုချက်နဲ့ထားတာကို ခွင့်ပြုချက်နဲ့ရပ်စဲပြီးပြီးဆိုမှသာ တရားစွဲလို့ ရတာပါ။ ခွင့်ပြုချက်ကို မရုပ်သိမ်းပဲ နို့တစ်စာမပေးပဲနဲ့ တရားစွဲဆိုလို့မရဘူး။
အိမ်ငှားတစ်ယောက်ကို နှင်တော့မယ်ဆိုရင်….
ပစ္စည်းလွှဲပြောင်းခြင်းဥပဒေနဲ့အညီ နို့တစ်စာ ပေးရတာပေါ့ ။ ဘယ်နေ့၊ ဘယ်ရက်မှာတော့ ဆင်းပေးပါတော့ဆိုတာ ဒီနို့တစ်စာမှာ ပါရပါမည်။ ဘယ်နေ့မှာ ငှားရမ်းခကုန်ဆုံးတယ်။ အဲ့ဒီနေ့မှာ နောက်ဆုံးထားပြီး အိမ်ကို ပိုင်ရှင်ထံသို့ လက်ရောက်ပေးအပ်ပါတော့.. ဆိုပြီး နို့တစ်စာ ထုတ်ရပါ တယ်။
ကြည်ကြည်ဖြူဖြူ မဆင်းပေးရင် တရားစွဲရလို့ရပါတယ်။
ကြိုကာကွယ်ချင်ရင်တော့ မှတ်ပုံတင်ရုံးမှာ register တင်ထားပြီး ကုန်ကျစရိတ်ကို အိမ်ငှားအား ပေးခိုင်းပြီး ငှားရင်တော့ စိတ်ချရပါသည်။

ဖြေ :
(၁) လက်ထပ်မည့်သူ နှစ်ဦ:စလုံးသည် ယောကျာ်းစစ်စစ် မိန်းမစစ်စစ် ဖြစ်ရပါမည်။
(၂) လက်ထပ်မည့်သူ နှစ်ဦ:စလုံးသည် စိတ်ကျန်းမာသူဖြစ်ရပါမည်။
(၃) လက်ထပ်မည့်သူ နှစ်ဦ:စလုံးသည် အသက် ၁၈ နှစ်ပြည့်ရပါမည်။
(၄) လက်ထပ်မည့် မိန်းကလေးသည် အသက် (၂၀) မပြည့်ပါက မိဘအုပ်ထန်းသူ ခွင့်ပြုချက် ရှိရပါ မည်။
(၅) လက်ထပ်မည့်သူ နှစ်ဦ:စလုံးသည် လူလွတ်ဖြစ်ရပါမည်။
(၆) လက်ထပ်မည့် မိန်းကလေးတွင် မပြတ်စဲရသေးသည့် တရားဝင်လင်ယောကျာ်း မရှိရပါ။

မေး : ဗုဒ္ဓဘာသာဝင် လင်မယားဖြစ်မြောက်ရန်အတွက် မည်သို့ဆောင်ရွက်ရပါမည်နည်း။

ဖြေ : ဗုဒ္ဓဘာသာဝင် လင်မယားဖြစ်မြောက်ရန်အတွက် လက်ထပ်စာချုပ်ကို သက်သေနှစ်ယောက်နှင့် တရားသူကြီးရှေ့တွင် လူကိုယ်တိုင်လာရောက်၍ လက်မှတ်ရေးထိုး မှတ်ပုံတင်ရပါမည်။ လက်ထပ်စာချုပ်ကို တရားသူကြီးရှေ့တွင် လက်မှတ်မထိုးချင်သည့် စုံတွဲများသည် ရှေ့နေ ရှေ့မှောက်တွင် လက်ထပ်စာချုပ်အား လက်မှတ်ရေးထိုးချုပ်ဆို နိုင်ပါသည်။

ဖြေ : ဒါဆိုရင် ဝယ်သည့်တိုက်ခန်း တည်ရှိတဲ့ ရပ်ကွက်အုပ်ချုပ်ရေးမှူးဆီသွားရပါမယ်။ စာချုပ်အရ ကျန်ငွေလာပေးတာကို ရောင်းချသူ ဖုန်းမကိုင်ကြောင်း၊ နေအိမ်မှာ မရှိကြောင်းအသိပေးပါ။ ပုံမန်ဆို ရပ်ကွက်အုပ်ချုပ်ရေးမှူးက လယ်ဂျာစာအုပ်မှာ မှတ်သားထားပါတယ်။ အဲ့သည့်မှတ်သားထားတာကို သက်သေယူထားပါ။

မေး : ရောင်းချသူက ဆက်ရှောင်နေပါက ဘယ်လိုလုပ်ရမလဲရှင့်။

ဖြေ : ရှေ့နေနှင့် နို့တစ်စာပို့ပါ။ သတင်းစာကြေညာပါ။

မေး : ရောင်းချသူက ဆက်မရောင်းဘူးဆိုရင်ကော ဘယ်လိုလုပ်ရမလဲရှင့်။

ဖြေ : ဥပဒေနဲ့အညီ စာချုပ်ကိုဆက်လက်ဆောင်ရွက်လိုကြောင်း ရောင်းချသူကိုတရားစွဲလို့ရပါတယ်။

မေး : ဘာကြောင့်အဲ့လိုဖြစ်တာလဲဆရာရှင့်။

ဖြေ : တခါတလေ စရံငွေလက်ခံပြီးမှ နောက်ဝယ်လက်က ငွေပိုပေးတာတို့ဖြစ်စေ၊ မိသာ:စုကိစ္စကြောင့် ဖြစ်စေ၊ ဆက်မရောင်းချလိုတာကြောင့်ဖြစ်စေ၊ စာချုပ်ဖောက်ဖျက်ကြေး စရံ (၂)ဆ လျော်ကြေး မပေး လိုတာကြောင့်ဖြစ်စေ ဖြစ်နိုင်ပါတယ်။

မေး : ကျေးဇူးပါဆရာ။

ဖြေ : အဲဒါဆိုရင်တော့ အရင်ဆုံး သက်ဆိုင်ရာ ကုမ္ပဏီ တည်ရှိရာ မြို့နယ်ရဲစခန်းမှာဖြစ်စေ၊ ဝန်ထမ်း နေရပ်လိပ်စာတည်ရှိရာ မြို့နယ်ရဲစခန်းမှာဖြစ်စေ အမူဖွင့်ရမည်။ ဒီလိုကိစ္စ ကတော့ ရာဇဝတ် ကြောင်းအရဖြစ်စေ (သို့မဟုတ်) တရားမကြောင်းအရဖြစ်စေ အရေးယူဆောင်ရွက်လို့ ရပါတယ်။ ရာဇဝတ်ကြောင်းအရဆိုလျှင် ထောင်ဒဏ်ကျခံ ရပါမယ်။ တရားမကြောင်းအရ ဆိုလျှင်တော့ ငွေအလွှဲသုံးစားပြုလုပ်သည့် နေ့မှစပီ: (၃) နှစ်အတွင်း တရားစွဲဆိုလို့ရပါတယ်။

မေး အထက်ပါကိစ္စအတွက် အမှု ဖွင့်ချင်ပါက ဘာတွေလိုအပ်ပါသလဲ။

ဖြေ : အထက်ပါကိစ္စအတွက် အမှုဖွင့်ချင်ပါက သက်သေခံစာရွက်စာတမ်းများနှင့်အတူ တရားလိုအဖြစ် ရုံးကိုယ်စားပြု တစ်ယောက်လူကိုယ်တိုင် သွားရပါမယ်။